Është e lehtë të bëhesh pritës në Airbnb në shumicën e zonave dhe krijimi i listimeve është gjithnjë falas. Të gjitha apartamentet dhe banesat, dhomat private, shtëpitë mbi pemë dhe kështjellat janë vetëm disa nga pronat që pritësit kanë dhënë me qira në Airbnb.

Për më shumë detaje rreth asaj që pritet nga pritësit, referoju standardeve të komunitetit të Airbnb për sigurinë, mbrojtjen, besueshmërinë, si dhe standardeve të mikpritjes që i ndihmojnë pritësit të marrin recensione shumë të mira nga vizitorët.

Të gjithë përdoruesve të Airbnb u kërkojmë disa informacione para se të udhëtojnë me ne. Para se të bëjnë një kërkesë rezervimi, vizitorët duhet t'i kenë plotësuar të gjitha këto informacione. Këto informacione të mundësojnë të dish se kë të presësh dhe se si ta kontaktosh vizitorin.

Kërkesat e Airbnb për vizitorët përfshijnë: • Emrin e plotë • Adresën e emailit • Numrin e telefonit të konfirmuar • Mesazhin prezantues • Pajtimin me Rregullat e shtëpisë • Informacionin e pagesës

Nga vizitorët pritet, por jo detyrimisht, të kenë një fotografi profili. Mund të kërkosh gjithashtu që vizitorët të japin dokumentin e identifikimit para se të prenotojnë ambientin tënd.

Regjistrimi në Airbnb dhe publikimi i banesës është krejtësisht falas.

Në momentin që pritësit marrin një rezervim, u aplikojmë atyre një tarifë shërbimi të Airbnb, që zakonisht është 3%, për të mbuluar kostot e biznesit.

Garancia e pritësit të Airbnb i siguron atij një mbulim deri në 1 000 000 dollarë për dëmet në pronë, në rastet e rralla kur dëmet e shkaktuara nga vizitorët e tejkalojnë shumën e kaparit të garancisë ose nëse ky i fundit nuk është vendosur.

Programi i Garancisë së pritësit nuk ofron mbulim për para në dorë dhe letra me vlerë, koleksione, vepra të rralla arti, bizhuteri, kafshë shtëpiake ose përgjegjësi personale. U rekomandojmë pritësve t'i sigurojnë ose t'i heqin sendet me vlerë kur lëshojnë me qira ambientin e tyre. Gjithashtu, programi nuk mbulon humbje ose dëmtime të pronës për shkak të konsumimit dhe vjetrimit.

Mëso më shumë rreth Garancisë së pritësit në http://airbnb.com/guarantee

Çmimi që vendos për listimin tënd varet krejtësisht nga ti. Për ta pasur më të lehtë të vendosësh, mund të kërkosh listime të krahasueshme në qytetin ose lagjen tënde e të krijosh një ide mbi çmimet e tregut.

Tarifat shtesë • Tarifa e pastrimit: tarifën e pastrimit mund ta përfshish në çmimin për natë ose mund ta shtosh veçmas në cilësimet e çmimeve. • Tarifa të tjera: për të vendosur tarifa shtesë krahas çmimeve të zakonshme (si për shembull tarifë për regjistrimin në orë të vona ose për kafshë shtëpiake), duhet t'i njoftosh paraprakisht vizitorët për këto tarifa të mundshme para prenotimit dhe më pas të përdorësh Qendrën e zgjidhjes së problemeve për të kërkuar në mënyrë të sigurt pagesën e tarifave shtesë.